खांदा कुठे दिसेना
मन मोकळे करावे कोणापुढे कळेना
ढाळावयास अश्रू खांदा कुठे दिसेना
आकाश ना धरेला मिळते कुठे तरीही
क्षितिजास गाठण्याची का जिद्द सोडवेना?
चुरगाळलीत स्वप्ने नैराश्यग्रस्त असता
स्वप्नाविना जगावे हे ही अता जमेना
दिवसागणीक संभ्रम का वाढतो असा हा?
जे काल आपुले ते कोणीच सापडेना
"घे जन्म तू फिरोनी, येईन मीच पोटी"
विनवू असे कुणाला, आईच आठवेना
गप्पाष्टकात सारे चाळीत रंगलेले
एकांत बंगल्यांचा, सोसून सोसवेना
नात्यात गुंतलो अन् गोत्यात मीच आलो
मोठे जयास केले, बघण्या कुणी वळेना
हृदयामधील सुकल्या, भेगाळल्या कपारी
पण ओल सुरकुत्यातिल गाली कशी सुकेना?
स्वप्नात स्वप्न बघणे "निशिकांत" घे शिकोनी
स्वप्नी दिसावयाला अपुले कुणी हवे ना!
निशिकांत देशपांडे. मो.क्र. ९८९०७ ९९०२३
मन मोकळे करावे कोणापुढे कळेना
ढाळावयास अश्रू खांदा कुठे दिसेना
आकाश ना धरेला मिळते कुठे तरीही
क्षितिजास गाठण्याची का जिद्द सोडवेना?
चुरगाळलीत स्वप्ने नैराश्यग्रस्त असता
स्वप्नाविना जगावे हे ही अता जमेना
दिवसागणीक संभ्रम का वाढतो असा हा?
जे काल आपुले ते कोणीच सापडेना
"घे जन्म तू फिरोनी, येईन मीच पोटी"
विनवू असे कुणाला, आईच आठवेना
गप्पाष्टकात सारे चाळीत रंगलेले
एकांत बंगल्यांचा, सोसून सोसवेना
नात्यात गुंतलो अन् गोत्यात मीच आलो
मोठे जयास केले, बघण्या कुणी वळेना
हृदयामधील सुकल्या, भेगाळल्या कपारी
पण ओल सुरकुत्यातिल गाली कशी सुकेना?
स्वप्नात स्वप्न बघणे "निशिकांत" घे शिकोनी
स्वप्नी दिसावयाला अपुले कुणी हवे ना!
निशिकांत देशपांडे. मो.क्र. ९८९०७ ९९०२३
