तो कोण आहे ?

वेदनांचा मी सखा, तो कोण आहे ?
थेट माझ्या सारखा तो कोण आहे?

न्याय जो मिळतो उशीरा न्याय कसला?
लाख दिधल्या तारखा तो कोण आहे ?

अर्थसंकल्पात मज दिसलाच नाही
भाकरीला पारखा तो कोण आहे

वाचला कौटिल्य सारा मज कळेना
पाठ दिधला "लाच खा" तो कोण आहे?

खेळ घेता खेळ पैशाचाच केला
लोकनेता ओळखा तो कोण आहे?

लाल बत्ती कार येता बंद रस्ते
त्यातला तिस्मारखां तो कोण आहे?

झाकरे "निशिकांत" नाराजी जरासी
कुरतडी अपुल्या नखा तो कोण आहे?

निशिकांत देशपांडे मो.नं. ;-- ९८९०७ ९९०२३
E Mail :- nishides1944@yahoo.com
प्रतिसादाची अपेक्षा