किती शोध मी सावलीचा करावा?
मला एकही सोयरा का नसावा?
असावा सखा सोबती वाटला जो
कसे दैव तोही शिकारी निघावा!
निवार्यास घरटे जिथे बांधले मी
प्रभो सांग का वृक्ष तो उन्मळावा?
जरी स्वप्न मी टाळतो जे हवे ते
भ्रमाचा खडा का पहारा असावा?
किती गवगवा लक्ष्मणाचाच होतो!
जरी भोगला उर्मिलेने दुरावा
खिळे ठोकले काल येशूस ज्यांनी
समजात का मान त्यांना मिळावा?
जरी सर्वज्ञानी तरी जानकीला
पती मागतो शुध्दतेचा पुरावा
नशा एवढी तोल हरवून जातो
तरी जाम प्याल्यात का रे भरावा?
पुरे जाहल्या मैफिली त्या नशील्या
अता फक्त "निशिकांत" जा किर्तनाला
निशिकांत देशपांडे मो.क्र. ९८९०७ ९९०२३
E Mail-- nishides1944@yahoo.com
