जे मला सोसायचे
का कुणा सांगायचे?
कायदे ठरवेन मी
मी कसे वागायचे
ध्येयपूर्ती हो न हो
निश्चये धावायचे
मृगजळाला प्राशुनी
तृप्त आहे व्हायचे
स्वप्न, पायांचे अधूरे
एकदा घसरायचे
द्रौपदीला आजही
तेच ते भोगायचे
कोरले हृदयावरी
तिज कसे विसरायचे?
जाहले निर्माल्य ते
मन कसे फुलवायचे?
राहिले "निशिकांत"चे
आतुनी उमलायचे
निशिकांत देशपांडे. मो. क्र. ९८९०७ ९९०२३
E Mail--- nishides1944@yahoo.com
No comments:
Post a Comment