पेरुनी गेले जहर

शांत होते, खाक का झाले शहर?
कोण आले, पेरुनी गेले जहर?

सिद्ध करण्या शायरीचा उच्चस्तर
वापरावा लागतो छोटा बहर

बैसलो जेंव्हा लिहायाला हझल
दु:ख आले नेमके शोधीत घर

आपुल्यांनी वैर इतके साधले !
सोडली नाही कुणी कुठली कसर

हारले कौरव तरी पण आजही
द्रौपदीचा ओढला जातो पदर

बातम्या रक्ताळलेल्या एवढ्या!
पेपरातिल कोणते वाचू सदर?

प्रेत दु:खी अंत्ययात्री का असे?
जे नको ते नेमके झाले हजर

मोजक्यांना स्थान इतिहासातले
जन्म मृत्त्यू रोजचे, नसते खबर

एकटेपण रोग इतका त्रासतो
जाहले उपचार सारे बेअसर

आठवेना एकही खासा प्रहर
जाहली निशिकांत"ची जेंव्हा कदर


निशिकांत देशपांडे.मो.क्र. ९८९०७ ९९०२३
E Mail---nishides1944@yahoo.com