वास्तवात मी नसतो अडकत
स्वप्न बघाया कसली हरकत?
एक सोडली तलाक म्हणुनी
"दुसरी केली" नामी सवलत
भविष्य माझे मीच ठरवतो
नको कुणाशी सल्ला-मसलत
उडदामाजी काळे गोरे
कोण बसावे त्यांना निवडत?
वृध्दत्वाचा जोर वाढता
काळ पुढे का नाही सरकत ?
ख्याती होता "देव पावतो"
पुजारीच अनुभवती बरकत
कशी लोकशाही उमलावी?
भोगतेय नेत्यांची दहशत
लाख कारणे तुम्हीच शोधा
कुणी कुणाला नसते हसवत
प्रश्न करी "निशिकांत" स्वतःला
अपुलयांनी का केली फसगत?
निशिकांत देशपांडे. मो.क्र. ९८९०७ ९९०२३
No comments:
Post a Comment