चंद्र आणिक चांदण्यांची
लागता चाहूल तिचिया पैंजणांची
रात्र झाली चंद्र आणिक चांदण्यांची
थांबता घरट्यातली किलबिल पिलांची
जाहली बरसात होती आसवांची
बोळवण केली खुशीने मी सुखांची
प्राक्तनाने भेट देता वेदनांची
व्हायचे वाईट ते होऊन गेले
काळजी आता कशाला संकटांची
निर्भयाची वाचली जी डायरी मी
नोंद होती त्यात नुसत्या वादळांची
लागल्या जर का स्त्रिया बोलावयाला
चेहरे पडतील उघडी लंपटांची
एक दावा सर्व गरजा भागलेला
भीक मागे सूर्यही पण सावल्यांची
भेटता वृध्दाश्रमीच्या अश्रितांना
ऐकली होती कहाणी ओघळांची
जोड तू "निशिकांत"नाते ईश्वराशी
सोड गर्दी भोवतीच्या माणसांची
निशिकांत देशपांडे. मो.क्र. ९८९०७ ९९०२३
लागता चाहूल तिचिया पैंजणांची
रात्र झाली चंद्र आणिक चांदण्यांची
थांबता घरट्यातली किलबिल पिलांची
जाहली बरसात होती आसवांची
बोळवण केली खुशीने मी सुखांची
प्राक्तनाने भेट देता वेदनांची
व्हायचे वाईट ते होऊन गेले
काळजी आता कशाला संकटांची
निर्भयाची वाचली जी डायरी मी
नोंद होती त्यात नुसत्या वादळांची
लागल्या जर का स्त्रिया बोलावयाला
चेहरे पडतील उघडी लंपटांची
एक दावा सर्व गरजा भागलेला
भीक मागे सूर्यही पण सावल्यांची
भेटता वृध्दाश्रमीच्या अश्रितांना
ऐकली होती कहाणी ओघळांची
जोड तू "निशिकांत"नाते ईश्वराशी
सोड गर्दी भोवतीच्या माणसांची
निशिकांत देशपांडे. मो.क्र. ९८९०७ ९९०२३
No comments:
Post a Comment