जीवन जगलो जणू काय ते गुर्हाळ एरंडाचे
काय कमवले? आलो होतो तसेच परतायाचे
ना मोठा ना छोटा, येता वादळ कोरोनाचे
प्रश्न एक की काय व्हायचे वयस्क पाचोळ्याचे
काय मिळवले जगून मी? हे उत्तर शोधायाला
माझ्यामधल्या "मी"ला शुन्यासंगे गुणावयाचे
कधी जरा विमनस्क वाटले, उपाय एकच हल्ली
झुरका घेउन वलय धुराचे सोडत बसावयाचे
महिलादिनही करू साजरा आठ मार्चला आम्ही
एक दिवस स्त्रीमुक्तीसाठी भाषण करावयाचे
मुलास ज्या गोष्टी सांगितल्या विसरुन जा तू आजी
नातवास कार्टुन शो चॅनल असते बघावयाचे
हँडवाशने हात धुण्याचा उत्तम उपाय आहे
मनशुध्दीला सॅनिटायजर कोणी बनवायाचे?
वारीला मी गेलो, अर्ध्यामधून वापस आलो
वारकर्यांच्या नेत्री बघुनी रूप पांडुरंगाचे
आज तुला "निशिकांत "सांगतो शिल्पकार हो अपुला
ध्येय दिशेने मार्ग शोधुनी तुलाच चालायाचे
निशिकांत देशपांडे, पुणे.
मो. क्र. ९८९०७ ९९०२३
No comments:
Post a Comment