मारसी का शालजोडीतून मित्रा?
स्पष्ट घे बोलायचे बोलून मित्रा
तू तुझ्या कोषात विजयी! दे परिक्षा
अश्वमेधाला जगी जाऊन मित्रा
माळ कवड्याची गळा दावावयाला
पोट भरसी जोगवा मागून मित्रा
बंद कर आता तरी आय्याश जगणे
सुरकुत्यांचे भान रे! ठेऊन मित्रा
वेदना वर्षानुवर्षे पोसलेली
का सुखामागे जगू धावून मित्रा
शेवटी आनंदले होते कलेवर
गौरवास्पद भाषणे ऐकून मित्रा
रंजिशी इतकीच आहे की सखीच्या
बैसलो मक्त्यात ना गुंतून मित्रा
गावली :निशिकांत"ला किल्ली सुखाची
हासतो दु:खासवे राहून मित्रा
निशिकांत देशपांडे, पुणे.
मो.क्र. ९८९०७ ९९०२३
No comments:
Post a Comment