मारुनी गप्पा जराशा मी मनाशी
जाहलो हलका उराच्या मी तळाशी
शोधला रस्ता मनीचे बोलण्याचा
एकटा संवादतो मी आरशाशी
पाप ना करता जगायाला शिकावे
कोणतेही क्षेत्र नसते पापनाशी
मी जसा आहे तसाही ठीक आहे
वागतो फटकून थोडा आपुल्याशी
तू दिल्या जखमांस टोकरल्यावरी मी
भळभळीने जोडला जातो तुझ्याशी
का असा शब्दात नसतो शब्द तुझिया?
बोलला होतास का उलटे मघाशी?
सर्व गेले दूर कोणा दोष देवू?
भोवल्या माझ्याच मजला कर्मराशी
ऐकले! भिंतीसही पण कान असती
यामुळे संवाद ना होतो कुणाशी
भांडणे मिटवावया "निशिकांत" म्हणतो
"मी सखे येतो पुढे, तू ये जराशी"
निशिकांत देश्पांडे, पुणे.
मो. क्र. ९८९०७ ९९०२३
No comments:
Post a Comment