सतार दिडदा कुणी छेडली
जुनी आठवण मनी जागली
काल मनातुन जरी काढली
पुन्हा हजेरी तिने लावली
जोगव्यातली भीक वाढली
अंबाबाई म्हणे पावली!
वृध्दत्वाशी नाळ जोडली
कधी कुणी का कात टाकली?
द्यूत खेळता कोण हारले?
कशास वस्त्रे तिची फेडली?
उध्दाराचे ध्येय गाठण्या
सती अहिल्या शिळा जाहली
प्राक्तन आले ताट घेउनी
चव येण्या, वेदना वाढली
एकनिष्ठ वेदना असावी
पिढी दर पिढी घरी नांदली
प्रेम दावण्या ताजमहल का?
नजरेतुन मी प्रीत दावली
पदर ढाळला की तो ढळला?
मनास का वाळवी लागली?
नकोस तू "निशिकांत"आठवू
दरवळलेली रात्र संपली
निशिकांत देशपांडे. मो.क्र. ९८९०७ ९९०२३
No comments:
Post a Comment