मला हवे मी तसे जगावे

 

मनास जे ना पटते ते का कुणी करावे?

जीवन माझे, मला हवे मी तसे जगावे

मनाजोगते स्वप्न बघाया हरकत नाही

झोप न येता स्वप्न हवे ते कसे बघावे?

बालपणीची मुलांस दैना नकात सांगू

दोन पिढ्यातिल अंतर आपण समजुन घ्यावे

वीस वर्‍हाडी लग्नासाठी करोनामुळे

वार्‍यावरची वरात बघुनी मस्त म्हणावे

पुरे चांदणे, पारिजात अन् स्वप्न पहाणे

काव्यामधुनी सामाजिक मुद्दे उचलावे

दंतकथा का उगा वाचता पुराणातल्या?

आज जगाला काय हवे ते आभ्यासावे

धर्माधारित नको मदरसे, आश्रमशाळा

माणुसकीचे धडे द्यायचे ध्येय असावे

वर्तमानही संपत आला आयुष्याचा 

वळून आता नकोच बघणे! पुढे निघावे

तुझ्या मनी "निशिकांत"काय? ही चर्चा नव्हती

पण फाशीवर जाताना का उगाच पुसले?

निशिकांत देशपांडे, पुणे.

मो. क्र. ९८९०७ ९९०२३