गूढ इरादे पर्जन्याचे
कसे बघावे स्वप्न उद्याचे?
वाट पाहते सख्या कधीची
लावलेस का बोट मधाचे?
नकोनकोचा कशास पडदा?
स्वप्न जगावे होकाराचे
अस्तिनीतल्या सापांसंगे
प्रसंग येती फुत्काराचे
चोरीचे भय नसे तरीही
बंद कशाला दार मनाचे?
चैत्रफुटीची मजा घ्यावया
पानगळीला सोसायाचे
लिफ्टमधे पाहू या पंखा
आपसात का बोलायाचे?
मजा वेगळी व्हर्च्यूअलची
अॅक्च्यूअल का शोधायाचे?
लिव्ह इन म्हणजे मुक्त रिलेशन
पिंजर्यात का अडकायाचे?
किती बोलसी खेडवळा तू?
शीक शिष्ट तू रहावयाचे
तुला किती "निशिकांत" वावडे!
हार तुरे अन् सत्काराचे
निशिकांत देशपांडे, पुणे.
मो.क्र. ९८९०७ ९९०२३
No comments:
Post a Comment