पुन्हा बालपण तेच ते आठवावे

कसे वर्तमानी सुखाने जगावे?
पुन्हा बालपण तेच ते आठवावे

करावे असे तू, तसे ना करावे
असे सांगणारे कुणीही नसावे

पुन्हा तेच ते जीवनी आजमावे
सुखासोबती दु:खही जोजवावे

कुणाच्या कधी जास्त जवळी न जावे
जुने तत्व कोविदसवे वापरावे

किती वेदना, चांगल्या आठवांच्या!
सुखांच्या अधी नेहमी दु:ख यावे

उद्याच्या जगाला हवे काय आहे?
बघोनी मुलांना तसे ज्ञान द्यावे

कधी गायची माय ओव्या पहाटे
दळावे तिने मी पुन्हा बाळ व्हावे

जुने तेच सोने मनी बिंबल्याने
मना वाटते भूतकाळी रमावे

अशिक्षित तरी माय जाणून होती
मुलांना कसे नेमके वाढवावे

असोनी पती पाच कृष्णास धावा
कराया मनी शल्य रुतले असावे

भविष्यास ठरवून आकार द्यावा
जुने गीत "निशिकांत 'का आळवावे?


निशिकांत देशपांडे. मो.क्र. ९८९०७ ९९०२३