निराश वावर काळोखाचा
तरी इरादा जगावयाचा
वादळातही शांती असते
यत्न करावा शोधायाचा
सभोवताली किती मेनका!
मार्ग सोडला सन्याशाचा
माय कधी का सु:ख सांगते?
पिंड वेदना सहावयाचा
नको सहारा, सराव आहे
पडावयाचा, उठावयाचा
स्वप्नीसुध्दा नकोस येऊ
दोस्त जाहलो एकांताचा
निसंग झालो, घोर कशाला?
जगावयाचा, मरावयाचा
सून नव्हे ती लेक आमुची
प्रघात आहे म्हणावयाचा
छंद कसा "निशिकांत"लागला?
गझलेमधुनी बोलायाचा
निशिकांत देशपांडे, पुणे.
मो.क्र. ९८९०७ ९९०२३
No comments:
Post a Comment