अता कुठे झाले मध्यंतर!
भोगायाचे अजून मणभर
वार्धक्याची अपार लांबी
तारुण्याची असते फुटभर
जरी शिंकली माशी कोठे
बोंब मारण्या जंतरमंतर
इमानदारीच्या बुरख्याला
भ्रष्टाचारी मधून अस्तर
संसदेतला धांगडधिंगा
याला का म्हणतात मतांतर?
आहे त्यातच सुखी असावे
हाव कशाला? उगाच मरमर
सागर गोटे, नाव कागदी
आठवणींचे स्त्रोत निरंतर
इतिहासा व्यतिरिक्त भोवती
सारे पिग्मी, नसे धुरंदर
मुद्द्याचे बोलणे टाळले
बाष्कळ चर्चा फक्त अवांतर
रूळ सोबती युगायुगाचे
भेटीविन चालती समांतर
सदैव का "निशिकांत" सखीचा
गझलांमधुनी असतो वावर?
निशिकांत देशपांडे, पुणे.
मो. क्र. ९८९०७ ९९०२३
No comments:
Post a Comment