झाड होते वाळलेले
अन् उसासे दाबलेले
केवढे फुटले नव्याने!
पंख होते छाटलेले
उच्चभ्रू वस्तीत दिसले
आपणातच गुंगलेले
भक्त ना दिसतो, विठूला
याचकांनी घेरलेले
कायदा नसतो, जयांचे
हात वरती पोंचलेले
चल जगाया ये नव्याने
वाद विसरू जाहलेले
शांतता नसते मनाला
आत जर भेगाळलेले
मोक्ष का? दे जन्म देवा
नावडे मज संपलेले
मानतो देवा कृपेला
चार तुकडे फेकलेले
गाव दिसते दुर्जनांचे
सत्त्य येथे वाकलेले
भाळशी "निशिकांत" का तू?
चेहरे ते सजवलेले
निशिकांत देशपांडे, पुणे.
मो. क्र. ९८९०७ ९९०२३
वृत्त--मनोरमा
लगावली--गालगागा X २
No comments:
Post a Comment