आज नाही कालचा
ना उद्या मी आजचा
तेच ते पण, जाहला
जीवनाचा परवचा
का विभागावे असे?
उच्च कोणी खालचा
वाटला जो आतला
जाहला बाहेरचा
ठेच पुढच्याला तरी
का शहाणा मागचा?
दु;ख आहे; मान्य पण
नाद का हा प्यायचा?
माणसांची वानवा
प्रश्न शवही न्यायचा
ठेवले वृध्दाश्रमी
पोर कसला पोटचा?
काळजाचीही तिच्या
काळजी मी घ्यायचा
आंधळ्या प्रेमास का
आरसा दावायचा?
छंद का "निशिकांत" रे!
पोसला गुंतायचा
निशिकांत देशपांडे, पुणे.
मो. क्र. ९८९०७ ९९०२३
वृत्त--कादंबरी
गालगागा गालगा
No comments:
Post a Comment