तुझ्याविना

नकोच जगणे तुझ्याविना
अन् उसासणे तुझ्याविना

स्वप्नीही मी अनुभवतो
तुझे स्पर्शणे तुझ्याविना

पौर्णिमेस पोळते किती!
निळे चांदणे तुझ्याविना

जमू न शकले मला कधी
गुलमोहरणे तुझ्याविना

मावळले का आज असे?
खळखळ हसणे तुझ्याविना

किर्तीरुपाने जगात या
नकोच उरणे तुझ्याविना

स्वप्नामध्ये जमेल ना!
तुला भेटणे तुझ्याविना

अशक्य आहे दयाघना
श्वास चालणे तुझ्याविना

"निशिकांता" ये बघावया
माझे नसणे तुझ्याविना

वृत्त--मात्रा वृत्तांतर्गत--बालानंद--१४ मात्रा


निशिकांत देशपांडे. पुणे.मो.क्र. ९८९०७ ९९०२३