राग दरबारीच गातो

राग दरबारीच गातो झोपडीचे घर तरी
लक्तरामध्येच सजतो नावडे मज भरजरी

तार सप्तक खर्ज यातच सूरही हिंदोळती
दुःखही आनंद होउन हसतसे माझ्या स्वरी

छत घराचे पावसाळी ठिबकते पण दुःख का?
त्याच छिद्रातून येती चांदण्याच्याही सरी

संपदा नव्हतीच केंव्हा वाटण्या भांवामधे
भांडण्या मुद्दाच नाही स्नेह नांदे अंतरी

जमवले लाखो करोडो मार्ग त्यांचे कोणते ?
घाम गाळुन अंग मोडुन कमवतो मी भाकरी

जीवनाच्या उत्सवाला लागते का धन कधी ?
पंचतारांकित सुखाला आसरा माझ्या घरी

तृप्त माझ्या जीवनाचे गूढ मी सांगू कसे ?
वेदनांनी राज्य केले अन सुखांनी चाकरी

तीच आई तेच बाबा तेच जगणे दे मला
देव राया नोंद घ्यावी अर्जवाची दप्तरी

सूर ताना भैरवीच्या छेडल्या नाही कधी
वाटते "निशिकांत" आहे खूपसे जगण्यापरी

निशिकांत देशपांडे मो. न. ९८९०७ ९९०२३
E Mail:-- nishides1944@yahoo.com
प्रतिसादाची प्रतिक्षा

आहे उसंत कोठे ?

आहे उसंत कोठे ? लिहिण्यास चार गजला
पोटात भूक जळता होती पसार गजला

मरगळ मनात असता रुसतात शब्द सारे
कलमेतुनी न झरती माझ्या चुकार गजला

ते विश्व भावनांचे इतिहास आज झाले
आठव बनून आता छळतात फार गजला

राणास ना उमगली मीरा झपाटलेली
त्याने दिल्या विषाच्या बनतात धार गजला

जेंव्हा वसंत फुलतो धरती नटून असते
आकारती नवेली शब्दात नारगजला

शायर उदंड झाले बरसात शायरीची
लावून "सेल" आता द्याव्या उधार गजला

विषयात रंगण्याचे आता विषय कशाला ?
झाल्या वयस्क , उतरण करतात पार गजला

आयुष्य सांज वेळी खुश मी वळून बघता
वस्त्रास जीवनाच्या होत्या किनार गजला

श्रध्धांजली वहाया आले कुणीच नाही
मज अलविदा करूनी झाल्या फरार गजला

"निशिकांत" शब्द धुंदी लोका तुझी कळेना
सांगून जीवनाचे जातात सार गजला

निशिकांत देशपांडे मों. न. ९८९०७ ९९०२३
E Mail:--nishides1944@yahoo.com
प्रतिसादाची प्रतिक्षा

जो तो त्रयस्थ आहे

माझ्या सभोवताली जो तो त्रयस्थ आहे
कोषात बंद जगण्या जो तो व्रतस्थ आहे

बोलू नये कुणाशी संकेत आज इथला
शेजार धर्म गेला होऊन अस्त आहे

संकूल मम घराचे वस्ती हजार आहे
येथे स्मशान शांती घालीत गस्त आहे

संवाद, हास्य नसता सांगा कसे जगावे ?
जो तो मुकेपणाने दिसतोय त्रस्त आहे

संकेत लिफ्ट मधला पंख्याकडे बघावे
परिचय नको म्हणूनी करतो शिकस्त आहे

जाणीव, कळवळा हे नाहीत शब्द येथे
रुतबा, अमीर असणे याचेच प्रस्थ आहे

मदतीस धावता मी तोडून कायद्याला
हिणवून सर्व म्हणती मी "एड ग्रस्त" आहे

फुरसत कुणास आहे ? देण्या मृतास खांदा
म्हणुनीच "स्वर्ग रथ" हा पर्याय मस्त आहे

"निशिकांत" सोड इथले श्रीमंत ते खुराडे
खळखळ हसून बोलू जग हे प्रशस्त आहे.

निशिकांत देशपांडे मो.न. ९८९०७ ९९०२३
e Mail:-- nishides1944@yahoo.com
प्रतिसादाची प्रतिक्षा

क्षणही नाही रडण्यासाठी

जन्म न माझा झाला आहे हरण्यासाठी
जीवन सोडा क्षणही नाही रडण्यासाठी

अभिमानाने सांगत आहे खूप कमवले
वाट बघावी व्यर्थ कशाला ? घडण्यासाठी

अभिमन्युला भीती कसली परिणामाची
चक्रव्युहाला तोडून शिरला मरण्यासाठी

वादळ येते येउन जाते नवखे नाही
संकट काळी बाहू असती स्फुरण्यासाठी

काय उद्याला होईल माझे ? चिंता कसली
चारच घटका फूल उमलते सुकण्यासाठी

अप्तेष्टांनी हात उचलले वार कराया
काट्यांचा तर जन्मच असतो रुतण्यासाठी

क्षितिजा पुढची केशर लाली खुणवी मजला
अंतर्यामी ओढ मनाला उडण्यासाठी

वर्दळ गेली धूमिल झाली संध्याछाया
मावळतीचा सूर्य बुडाला विझण्यासाठी

लाच न द्यावी "निशिकांता"ला काम कराया
बाजारी तो बसला नाही विकण्यासठी

निशिकांत देशपांडे मोंअ. ९८९०७ ९९०२३
E Mail:- nishides1944@yahoo.com
प्रतिसादाची प्रतीक्षा

माझ्या मधला मीच हरवला

एक अकेला वेड्यासम मी जगतो आहे
माझ्या मधला मीच हरवला, फिरतो आहे

नसता कोठे असण्याचे का स्वप्न बघावे ?
मृगजळ पुढती मागे मागे पळतो आहे

एकाकीपण इतके जगलो , लिलया आता
माझ्या पासुन दूर मला मी बघतो आहे

पाप कबूली देण्या आहे गिरिजाघर पण
हिंमत नाही , मज पसून मी लपतो आहे

एकल येती जन्मा सारे एकल जाती
एकल "जगती " धर्म कधी ना म्हणतो आहे

आत्म्यालाही एकाकीपण मान्य नसावे
एका सोडून दुसऱ्या देही वसतो आहे

हसलो , बेरड जगलो जीवन , थकलो आता
बोजड झाले दुःख , मनोरा झुकतो आहे

एकलपण द्यावे ना कोणा इतके देवा
बेवारस मृत देह तयाचा कुजतो आहे

"निशिकांता"का शुन्य असवा भाव कुणाचा ?
ग्राहक नाही आज मला मी विकतो आहे

निशिकांत देशपांडे मोंअ. ९८९०७ ९९०२३
E Mail:- nishides1944@yahoo.com
प्रतिसादाची प्रतीक्षा

का रडाया लागला ?

आसवे नकली जरी ती बोलबाला जाहला
आज मगरीसम जमाना का रडाया लागला ?

आसवे गाळून त्यानी साधली जवळीक पण
मी लपवल्या आसवांचा भाव कोणी पाडला ?

नाटकाचे आज जगती स्तोम इतके माजले
हात मायेचा कधी मज गारद्याचा वाटला

पेटल्या लाखो मशाली फक्त दिसती या जगा
तेवणारा दीप का मग वळचणीला टाकला ?

बेगडी आयुष्य सारे कळवळाही बेगडी
ओंगळाला सजवण्याचा चंग कोणी बांधला ?

मंदिराच्या पायरीवर भक्त ना रुचले मला
माजगा जो नोट टाकी याचका तो चांगला

संपदा गडगंज होती खूप त्याला मित्रही
प्रेतयात्री लाख होते ना कुणी पाणावला

दूर अंधारास करण्या जन्मला तो पण तरी
सूर्य का थकल्या प्रमाणे आज ग्रहणी वागला ?

हात वारूळी मराया घातला "निशिकांत"ने
अस्तिनी तुझियाच होता साप वेड्या नांदला

निशिकांत देशपांडे मो. न.. ९८९०७ ९९०२३
E Mail:- nishides1944@yahoo.com
प्रतिसादाची प्रतिक्षा

मस्त दिवाळी

अंधारातच झाली माझी मस्त दिवाळी
झगमग सारे, मजला देते दुःख झळाळी

हास्य लकेरी माणुसकीच्या दिसता भासे
संपत आहे आयुष्याची रजनी काळी

स्वागत केले पुनवेचे अन अवसेचेही
हसलो जीवन जगलो जैसे लिहिले भाळी

श्रीमतांच्या वस्तीमध्ये एकाकीपण
गजबजलेल्या गरिबांच्या त्या होत्या चाळी

बालपणीचे खळखळ जीवन म्हणते स्वप्नी
मोठेपण ये सोडुन खेळू सांज सकाळी

आत्मचरित्री लिहिता कांही हरवून जाता
गतकालाचे जीवन देते मजला हाळी

वैधव्याचे कुंकू तैसे जीवन माझे
आज कुणी मी नाही, होतो एकेकाळी

आज गिरावट झाली इतकी सांगू कैसे ?
गाभुळल्या चिंचा दिसती पण ऊंच डहाळी

गोडी सरली जगण्या मधली "निशिकांताच्या"
एरंडाच्या का फसला तू व्यर्थ गुऱ्हाळी ?

निशिकांत देशपांडे मों. न. ९८९०७ ९९०२3
E Mail:- nishides1944@yahoo.com
प्रतिसादाची प्रतीक्षा

पण मी तरूण आहे

साठीस पार केले पण मी तरूण आहे
उम्मीद मज उद्याची दिसते अजून आहे

एकास पार करता नवखेच ध्येय दिसते
मार्गी अखंड चलणे माझा जुनून आहे

आशा जयास नाही उगवेल सूर्य याची
तारुण्य लुप्त त्यांचे जगणे करूण आहे

खर्चू कशास जीवन बघण्यात ओंगळाला ?
बघणे अथांग सुंदर डोळे भरून आहे

जखमा दिल्या जयानी विसरून त्यास गेलो
बघणे न आज मजला मागे फिरून आहे

विकलांग मी जरी मम श्वासात आग आहे
समजू नकात मजला पडलो मरून आहे

उत्सव घरात माझ्या हुंकार वेदनांचा
नियतीस मात देण्या उरलो पुरून आहे

जगणे जयास छळते मरणे पुढेच पळते
लढणेच मार्ग त्यांना जाण्या तरून आहे

"निशिकांत" सांग त्याला मृत्यू समोर येता
भीती तुझ्या मिठीची गेली उडून आहे

निशिकांत देशपांडे मो. न. ९८९०७ ९९०२३
E Mail:- nishides1944@yahoo.com
प्रतिसादाची प्रतीक्षा

आदर्श

संदर्भः- आदर्श गृह सोसायटी घोटाळा प्रकरण


पाहता "आदर्श" कोठे येतसे मजला शिसारी
मातले "आदर्श" इतके वाजते त्यांची तुतारी

सदनिका "आदर्श" मधल्या जाहल्या मृगजळ तयांना
चोरट्यांच्या, लाटण्यास्तव, लागल्या मोठ्या कतारी

हरवले सौभाग्य, त्यांचा घास हिसकाऊन नेला
गांजल्यांना गांजण्या का घेतली त्यांनी सुपारी ?

वाढला नैवेद्य होता दावण्या शहिदास आम्ही
उच्चभ्रू आली गिधाडे चोच माराया विषारी

सर्व बगळे आज म्हणती पाप म्या केलेच नाही
रात्र सारी देहविक्रय ती कशी दिवसा कुमारी?

आज जनगणनेत माझी जात मी सांगू कशाला?
लाचखोरांना असावी वेगळी खानेसुमारी

तापलेला सूर्य आहे बेफिकिर इतका कसा हा?
पोचली नाही तयावर राज्यकर्त्यांची बिमारी

कारगिल दुसरे घडावे वाटते का लांडग्यांना?
तोडुनी लचके शवाचे मज पुन्हा यावी उभारी

दुर्गुणांचे आज जगती वाजती लाखो नगारे
वेडसर "निशिकांत" छेडी सदगुणाची एक तारी

निशिकांत देशपांडे मो न ९८९०७ ९९०२३
E Mail:- nishides1944@yahoo.com
प्रतिसादाची प्रतीक्षा

हसले नाही

पहिले रडणे ऐकून कोणी हसले नाही
जन्मा येउन काय मिळवले कळले नाही

कन्या होणे पाप जगी का इतके असते?
पाप धुवाया गंगाजलही पुरले नाही

नार नवेली आली गेली पेटून मेली
षंढ पडोसी पेटून कोणी उठले नाही

तार सतारीची तुटल्यासम जीवन होते
झंकारावे आतून ऐसे घडले नाही

कष्ट करावे पोट भरावे रीत जगाची
दुय्यम दर्जा कोणा असणे रुचले नाही

पडवीमध्ये पणती मिणमिण तेवत आहे
गरजेनंतर ज्योत विझवणे पटले नाही

अक्रोशाने पेटून सारे भस्म करावे
भान जगाचे मजला आता उरले नाही

हार जयांची झाली त्यांना हार मिळाले
विजयाची मज नोंद कराया जमले नाही

"निशिकांता" मज आज उमगले सत्य कटू हे
कोणाचेही माझ्या वाचून अडले नाही

निशिकांत देशपांडे मो न ९८९०७ ९९०२३
E Mail nishides1944@yahoo.com
प्रतिसादाची प्रतिक्षा

जीवनी कैसे जगावे

श्वान सांगे लेकराला जीवनी कैसे जगावे
पाळले, मोकाट जे पण श्वान आपण हे स्मरावे

शेपटी हलवून जगतो घोळतो गोंडा जरी रे
तुज कधी मंत्रीपदाचे स्वप्नही नेत्री नसावे

जात नाही गोत्र नाही बंधने नसली तरी पण
पुज्य मादी! मानवासम तू बलत्कारी न व्हावे

ध्यान योगासन कशाला? चोचले ते मानवाचे
पोट भरण्या भटकताना ना कधी बाळा थकावे

संस्कृतीची मानवा का वाजवी टिमकी उगा तू?
जाणतो ईमान आम्ही जे तुला नवखे असावे

श्वान जाती लागते तुज भांडता देण्या शिव्या का?
आमुचा अपमान होतो मानवा तू ओळखावे

भुंकणे ऐकून भो भो धावता तिकडे कळाले
आपला परिवार दिसण्या संसदे मध्ये बघावे

कायदे कानून त्यांचे मान्य ना आम्हा कदापी
भूक खळगीची भराया शील का कोणी विकावे?

जे कधी "निशिकांत" घडले शोक का त्याचा करावा?
बाळ! श्वानांनी खुशीने मॉत कुत्र्याची मरावे

निशिकांत देशपांडे मो न ९८९०७ ९९०२३
E Mail nishides1944@yahoo.com

झालो निनाव आहे

खोलीत बंद जगलो झालो निनाव आहे
तिमिरास शोधण्याचा केला ठराव आहे

तो आरसा म्हणाला मज चेहराच नाही
इतका तरी कसा हा दिसतो तणाव आहे?

हळ हळ नको कुणाला पाहून दुःख माझे
कण्हणे मलाच रडणे मझाच घाव आहे

गोष्टीस सांगतो मी हुंकार मीच देतो
दोघात बोलण्याचा येथे अभाव आहे

जाणार एक पुढती उरणार एक मागे
एकलपणी जगाया करतो सराव आहे

मोसम निघून गेला पाने कळ्या फुलांचा
काट्यात भावनांचा होतो लिलाव आहे

आठव उरी धरूनी कुरवाळता कळाले
मी व्यर्थ मृगजळांचा करतो बचाव आहे

रेशीम पाश विणता हृदयास काचती ते
नात्याविना जगावे माझा सुझाव आहे

"निशिकांत" ना करावी इतकी कधीच माया
अपुलाच स्वार्थ बघणे त्यांचा स्वभाव आहे

निशिकांत देशपांडे मों न ९८९०७ ९९०२३
E Mail: nishides1944@yahoo.com
प्रतिसादाची प्रतीक्षा

दिवाळी शुभेछा----तुमच्या साठी

तेजोमय हे विश्व असावे तुमच्या साठी
नवसंवत्सर उत्सव व्हावे तुमच्या साठी

लाख उजळत्या दीपा पॅकी एक दिव्याने
नंदादीपासम तेवावे तुमच्या साठी

श्रावण राहो हिरवा हिरवा खळखळणारा
वेल फुलांना रंग मिळावे तुमच्या साठी

केशर लाली सांज सकाळी तुमची आहे
ईशाने झोळीस भरावे तुमच्या साठी

केशव माधव तीनत्रिकाळी संध्या करता
पुण्य प्रभावे भाग्य हसावे तुमच्या साठी

सुखदु:खाची खिचडी आहे जीवन सारे
दु:ख नसावे मोर झुलावे तुमच्या साठी

स्वप्नाविन का जगतो कोणी आज जगी या?
स्वप्न न आता स्वप्न उरावे तुमच्या साठी

दार किलकिले करून ठेवा कातरवेळी
घेउन किरणे म्हणतो यावे तुमच्या साठी

"आनंदी आनंद" अवस्था "निशिकांताची"
सप्तसुरांनी झंकारावे तुमच्या साठी

शुभेछुक: निशिकांत आणि जयश्री देश्पांडे
मो.न. 98907 99023
E Mail nishides1944@yahoo.com
प्रतिसादाची प्रतिक्षा

आसवांना गाळले

शुद्ध अन बावनकशी मी आसवांना गाळले
मी कसोटीवर तयांना घासले अजमावले

आसवांच्या दागिन्यांची मांडली आरास मी
शेकडो आले बघाया अंतरी झंकारले

वस्त्र माझ्या जीवनाचे आज दिसते शुभ्र का ?
डाग हटवादी सुखाचे आसवांनी काढले

बोलबाला आसवांचा जाहला इतका जगी
वळचणीमध्ये सुखाचे श्वासही मंदावले

या सुखांनो या बघाया थाट माझा जीवनी
राव मुठभर, तेच डबके विश्व तुमचे जाहले

द्रॉपदी, सीता, अहिल्या आसवांना पुरविती
शायरांनी स्त्रीभ्रुणाचे दुःखही कुरवाळले

फाटले आकाश वरती मी कशाला घाबरू ?
काळजी वाटे तयांना जे सुखी उंडारले

आसवे आपोशनाला आसवे चित्रावती
आसवे नॅवेद्य सुद्धा देव ही वॅतागले

आज का "निशिकांत" तुजला राव येउन भेटले?
आसवांचे चार वरवे आज त्यांनी लावले

निशिकांत देशपांडे मों, न. ९८९०७ ९९०२३
E Mail: nishides1944@yahoo.com
प्रतिसादाची प्रतीक्षा

मी जरा धास्तावलो

सोवळे ना पाळले मी सदगुणावर भाळलो
कर्मकाण्डाला बघूनी मी जरा धास्तावलो

हम करेसो कायदा ही धर्म व्याख्या जाहली
तालिबानी नाच नंगा पाहता पाणावलो

चार बाबा मॉलवींना हक्क तो कोणी दिला ?
फैसले ऐकून त्यांचे मी जरा चक्रावलो

धर्म कोणी जाणला का ? अर्थ कोणा समजला ?
पाहता त्यांच्या लढाया अंतरी रक्ताळलो

स्त्रीस देवी मानती अन स्त्री भ्रुणाला मारती
कोंडती बुरख्यात का हे मी कधी ना समजलो

प्रेम अथवा लग्न करण्या का हव्या पंचायती ?
मूग गिळती राज्यकर्ते मी मनी चॉताळलो

नरबळी हुंडाबळीने रान का ना पेटले ?
षंढ या वस्तीत मी ही शांत आहे झोपलो

वाघ वाघाशी न भांडे धर्म नाही त्या जगी
जन्म घेउन माणसाचा मी आहे पस्तावलो

शायराला राग इतका शोभतो "निशिकांत"का ?
कागदाचा वाघ आहे मीच मज ना भावलो

निशिकांत देशपांडे मों. न. ९८९०७ ९९०२
E Mail: nishides1944@yahoo.com
प्रतिसादाची प्रतीक्षा

चेहरा तसवीर होता

नोट:- या गजलेतील पहिली ओळ गजलकार सुरेश भटांच्या गजलेच्या मतल्याची पहिली ओळ आहे


ऍन तारुण्यात माझा चेहरा गंभीर होता
भोगल्या लाखो व्यथांचा चेहरा तसवीर होता

प्रेम गाणे गावयाचे वय तयाचे पण तरीही
शख्स तो मशिदीत गेला सांगण्या तकरीर होता

कष्ट केल्याविन कधी का भाग्य खुलते माणसाचे ?
ना कुणी आला जगी या घेउनी तकदीर होता

धुंद जगणे अन् बिघडणे शाप हा नवख्या पिढीला
स्पष्ट माझा तो इशारा वाटला किरकीर होता

मी विदर्भाला निघालो तीर्थ पावन क्षेत्र बघण्या
चालवी "आनंद वन" जो तोच हाजी पीर होता

विश्व सारे हिंडल्यावर उमगले मजला असे की
खान होता सर्व साक्षी तर कुठे जसबीर होता

सभ्य तो रुद्राक्षधारी रात्र मयखान्यात काढी
त्या पुजा-याचा ठिकाना गावचे मंदीर होता

पाक देशी राज्य आहे पक्षपाती कायद्यांचे
ज्यास छळले त्रासले तो एक मोहाजीर होता

शोध घे "निशिकांत" आता मर्द कणखर चेह-यांचा
मर्द कसले ! मारलेला तो नथीतुन तीर होता

निशिकांत देशपांडे मो.न. 98907 99023
E Mail: nishides1944@yahoo,com
प्रतिसादाची प्रतिक्षा

आल्यावरती

दुःखच दिसले जगती जन्मून आल्यावरती
माझे घर अश्रूच्या बहत्या नाल्यावरती

शेणा मधले दाणे धुतले ढेकर आली
दुष्काळी तर जगतो आम्ही पाल्यावरती

अपमनाचे जीवन होते त्याचे इतके
लपला कबरीखाली , जगणे झाल्यावरती

स्वार्था साठी प्रेम करावे न्याय जगीचा
गायीलाही हिरवा चारा व्याल्यावरती

इतके पीतो लाज न उरली आता कसली
नाव लिही तू माझे साकी प्याल्यावरती

भटकून वळले सन्मार्गी जे मुजरा त्यांना
राम दिसेना श्रद्धा ज्यांची वाल्यावरती

गोपीमध्ये विश्व बुडाले कृष्ण हरवला
नजर कुणाची गोपाळांच्या काल्यावरती ?

आज शरीयत अमलाखाली अबला रडती
सुटका बघती त्या दगडांच्या घाल्यावरती

"निशिकांताला" आज कळाले जगता जगता
प्रेम करावे हातावरच्या छाल्यावरती

निशिकंत देष्पांडे मों. न. ९८९०७ ९९०२३
E Mail: nishides1944@yahoo.com
प्रतिसादाची प्रतीक्षा

ओळखीचे वाटले

पॅंजणाचे वाजणे मज ओळखीचे वाटले
वायदा तू तोडणे मज ओळखीचे वाटले

मोगरा फुलला असावा सांगतो मज गारवा
मंद तव गंधाळणे मज ओळखीचे वाटले

रंग चढला मॅफिलीला धुंद मी असलो तरी
चेह-याला झाकणे तव ओळखीचे वाटले

माझिया गजलेस गाता भाववश होणे तुझे
दोन अष्रू ढाळणे मज ओळखीचे वाटले

फूल हसरे तू, परंतू राहसी काट्यात का?
रोज काटे बोचणे मज ओळखीचे वाटले

मखमली नाते जिव्हाळा भूतकाळी हरवले
रेशमाचे काचणे मज ओळखीचे वाटले

मांड सारीपाट आता सोंगट्या खेळू जरा
कटघरी तू मारणे मज ओळखीचे वाटले

काळीमा प्रेमास कोणी फासली ते सांग ना?
प्रश्न अवघड टाळणे मज ओळखीचे वाटले

वाटते "निशिकांत" लज्जा प्रेम बोलुन दावण्या
मॉन ओठी पाळणे मज ओळखीचे वाटले

निशिकांत देशपांडे मो.न. 98907 99023
E Mail: nishides1944@yahoo.com
प्रतिसादाची प्रतिक्षा

मीच मज ना गवसलो

मान तू वेळावली अन् त्या क्षणी मी हरवलो
हरवलो इतका असा की मीच मज ना गवसलो

ब्रह्मकमळासम तुझे ते एक रात्री उमलणे
भास्कराला वाटले का मी प्रभाती उगवलो

तुजविना अंधार सारा सापडेना झोप ही
एकलेपण मी उशाला घेतले अन् पहुडलो

चांदणे जेंव्हा झिरपते याद येते मज तुझी
आठवांच्या वादळाशी नेहमी मी झगडलो

दोष हा माझाच आहे मी न ओळखले तुला
काय समजू मी तुला जर मीच मज ना समजलो

मज नको प्याल्यात मदिरा दु:ख आहे ओतले
दु:ख पीता लोक म्हणती मी जरासा बहकलो

सांग सटवाई कशाला भाग्य लिहिण्याला हवी?
कष्ट माझे हात माझे मी असा हा उमललो

सावलीला काल होतो राज्यकर्त्यांच्या जरा
सभ्यतेचा मार्ग माझा वाटले मी विसरलो

जा गडे "निशिकांत" मज तू जाणले नाही कधी!
चोपड्या या बोलण्याने जीवनी मी घसरलो

निशिकांत देशपांडे मो.न. 98907 99023
E Mail: nishides1944@yahoo.com
प्रतिसादाची प्रतिक्षा

छाया मावळतीची

छाया माझ्या मावळतीची सांगत आहे
"लांब जरी मी तुजला आता सोडत आहे"

मावळतीला मुजरा करणे रीत नसावी
परमेश्वरही पूर्व दिशेला पावत आहे

खांद्यावर माझ्या गठोडे वॅफल्याचे
त्यातच दुख-या आठवणींना शोधत आहे

हिरवा मी बहरात असेतो झाड सजवले
पिकली पाने झाडच खाली फेकत आहे

ताज्या ताज्या सर्व फुलांचा दरवळ गेला
निर्माल्याचे जीवन जगणे शाश्वत आहे

एका जाणे एका उरणे अटळ जरी हे
एकांताची चाहूल मजला काचत आहे

घुसळण करता आयुष्याची झाल्या जखमा
दु:ख पचवणे लटके हसणे आदत आहे

गोंधळ का मी मांडत आहे व्रध्दत्वाचा?
संकट हरिणी तूच जगाची जाणत आहे

ओले डोळे सांज सकाळी का "निशिकांता"?
वाढुन आले ताट जसे ती दावत आहे

निशिकांत देशपांडे मो.न. 98907 99023
E Mail. nishides1944@yahoo.co
प्रतिसादाची प्रतिक्षा

जगलो थोडे

आयुष्याचे ओझे वाहुन झुकलो थोडे
जीवन जगता शतदा मेलो जगलो थोडे
देवाचा मी दासच होतो भांडण नव्हते
हार तरी का? प्रश्न करूनी थकलो थोडे
घडणे जे जे तेच घडे तर का न म्हणावे?
सत्कर्माची ऍसी तॅसी चिडलो थोडे
पक्षी सारे सोडुन गेले नवख्या जगती
वठलेले ते झाड बघूनी रडलो थोडे
श्रीमंतांचे झगमग जीवन म्रगजळ मजला
तिमिरासंगे दोस्ती करण्या विझलो थोडे
बिन बाह्याचा सदरा शिवला क? मज पुसती
अस्तिनच्या सापाशी दोस्ती चकलो थिडे
आनंदाची ओळख नसता दु:ख कशाचे?
विश्वा वरती थुंकुन मी पण हसलो थोडे
थाट कशाचा? चिंधी नव्हती लाज लपवण्या
तिरडीवर नव-वस्त्र मिळाले सजलो थोडे
रखरख सारे ओल न दिसली "निशिकान्ताला"
रिमझिम गजला बरसत आल्या भिजलो थोडे
निशिकांत देशपांडे मो. न. 98907 99023
E MAIL nishides1944@yahoo.com
प्रतिसादाची प्रतिक्षा

बाजार आज भरला

येथे कशाकशाचा बाजार आज भरला
ज्याच्या खिशात पैसा त्याचा रुबाब दिसला
बाजार बाजरीचा आता दिसे न कोठे
ऊंची महाग वस्तू बाजार पूर्ण सडला
केशर डबीत आता कोथिंबिरीस जागा
गगनास भाव भिडले जगणेच प्रश्न बनला
सत्त्यास भाव नाही घेणार कोण त्याला ?
जगती कसे जगावे? सत्त्यास प्रश्न पडला.
बजार प्रांगणी का न्यायलयात गर्दी ?
विकतात फैसले ते जगतात न्याय हरला
सरकार हाकणारे बाबू तिथे कडेला
विकती इमान सारे बघ तो दलाल हसला
निष्पक्ष अश्व विकती किमया इथेच घडली
बहुमत नसून नेता सिंहासनात बसला
श्रीमंत धेन्ड त्यांचे कळे बघून धंदे
ओजात दैत्य सजले तिमिरात देव लपला
"निशिकांत" का स्वत:ला हर्रास व्यर्थ केले ?
श्रीमान सत्त्यवादी कवडीस आज विकला

निशिकांत देशपांडे मो.नं. 98907 99023
E MAIL: nishides1944@yahoo.com
प्रतिसादाची प्रतिक्षा

सायंकळी

तूच हसावे तूच फुलावे सयंकाळी
मंजुळ गाणे तूच म्हणावे सायंकाळी
डोकावे बघ चंद्र कसा तो बघण्या तुजला !
गाली काळे तीट असावे सायंकाळी
अंधाराचे राज्य नको या धरती वरती
समईची तू ज्योत बनावे सायंकाळी
तू हसताना मोती गळती टपटप खाली
स्मीत फुलांना तू शिकवावे सायंकाळी
स्वप्नपरी तू झोप उडवली मान्य तरी पण
स्वप्न तुलाही गोड पडावे सायंकाळी
माझ्या मधला आशिक तू का जागा केला ?
बेचैनीचे कारण व्हावे सायंकाळी
ग्रहणापूर्वी राहू केतू पीडा देती
पुनवेला तू चंद्र नसावे सायंकाळी
गुपचुप गुमसुम मैफिल कसली? मरगळ सारी
साकी तू प्याल्यास भरावे सायंकाळी
कैदच असते मोही भ्रमरा रात्रीला पण
"निशिकांता" तू मुक्त करावे सायंकाळी

निशिकांत देशपांडे मो.न. 98907 99023
E Mail: nishides1944@yahoo.com
प्रतिसादाची प्रतिक्षा

जमले नाही

ओठावरती हास्य फुलवणे जमले नाही
तू नसता मज जीवन जगणे जमले नाही
ईश क्रपेने तुजशी नाते जुळले असते
देवा पुढती हात पसरणे जमले नाही
दरवळ देता तू आल्याची चाहुल मजला
ठोके ह्रदयाचे ना चुकणे जमले नाही
खोटे वादे खोट्या शपथा फसवे सारे
म्रगजळ पाहुन प्यास बुझवणे जमले नाही
खांद्यावरती डोके ठेउन व्यक्त कराया
नसता कोणी मजला रडणे जमले नाही
विश्वासाचा घात जरी तू केला माझ्या
राग धरूनी तुजवर रुसणे जमले नाही
तू दु:खाशी नाते माझे विणले ऍसे
तू गेल्यावर मजला हसणे जमले नाही
नियतीच्या मी तालावरती नाचत आलो
हातावरची रेघ बदलणे जमले नाही
"निशिकांताला" भूषण वाटे जखमांचे पण
ह्रदयावरचे घाव बुजवणे जमले नाही

निशिकांत देश्पांडे मो.न. 98907 99023
E MAIL: nishides1944@yahoo.com
प्रतिसादाची अपेक्षा

कुठे हरवले? (से मिसरी गजल)

मंदीर मारुतीचे कोणी कुठे हलवले?
येथील गाव माझे सांगा कुठे हरवले?
तो पार मंदिराचा रात्री जमून सारे
सुख दु:ख सांगताना जाती रमून सारे
हुंकार वेदनांचे नव्हते कुणी लपवले
येथील गाव माझे सांगा कुठे हरवले?

जागेत मम घराच्या झालाय माल (MALL) आता
डीजेवरी डुलूनी धरतात ताल आता
येथे शुभं करोती होते मला शिकवले
येथील गाव माझे सांगा कुठे हरवले?

विकतो पिझा दुकानी म्हणतात हट तयाला
गर्दी अमाप असते आळस घरी बयाला
आईत अन्नपूर्णा मजला तिने भरवले
येथील गाव माझे सांगा कुठे हरवले?

तांदूळ हात सडीचा शिजवीत माय होती
साजूक तूप माया ओतीत माय होती
सारेच लाड माझे होते तिने पुरवले
येथील गाव माझे सांगा कुठे हरवले?

शाळा इथे असावी तो काळ दूर नव्हता
गणवेष बूट कसले? शिकण्यात सूर होता
आदर्श पाठ येथे होते किती गिरवले?
येथील गाव माझे सांगा कुठे हरवले?

झोतात पश्चीमेच्या का लोप संस्क्रतीचा(SANSKRUTICHA)
दिसतोय काळ आला बेभान विक्रतीचा (WIKRUTICHA)
विझण्यास ज्योत आम्ही काहूर का पुरवले?
येथील गाव माझे सांगा कुठे हरवले?

निशिकांत देशपांडे मो.नं. 98907 99023
E MAIL: nishides1944@yahoo.com
प्रतिसादाची प्रतिक्षा

जमते तुला कसे गं?

एकांत वास जगणे जमते तुला कसे गं?
कोषात बंद झुरणे जमते तुला कसे गं?
बोलावता तुला मी लाजून दूर जाशी
स्वप्नी नजीक असणे जमते तुला कसे गं?
चाहूल लागता तव मी सॅरभॅर बघतो
म्रुग (MRUG)जळ बनून दिसणे जमते तुला कसे गं?
केले वजा तुला जर आयुष्य शुन्य माझे
शुन्यात शुन्य बघणे जमते तुला कसे गं?
पहिल्याच कटक्षाने घायाळ जाहलो मी
तडफड बघून हसणे जमते तुला कसे गं?
म्हणतात प्रेम वाहे सरिते समान वेगे
थोपून भाव धरणे जमते तुल कसे गं?
बालिश म्हणून मजला परिपक्व भाव दावी
वेळे अधीच पिकणे जमते तुला कसे गं?
तुज ठेच लागता मी कण्हलोय आर्ततेने
मम वेदना विसर्स्णे जमते तुला कसे गं?
यात्रेत शेवटीच्या डोळे हजार ओले
लपऊन नेत्र पुसणे जमते तुला कसे गं?
झाडावरील घरटे होते जरूर अपुले
सोडून त्यास उडणे जमते तुला कसे गं?
श्रीमंत हात धरला "निशिकांत" पूस तिजला
हर्रास होत विकणे जमते तुला कसे गं?

निशिकांत देशपांडे म्प.नं. 98907 99023
E MAIL: nishides1944@yahoo.com
प्रतिसादाची प्रतिक्षा

म्रुत (MRUT) जनानी घेरले

का इथे पडलोय सांगा? का उगी मज गाडले?
शेकडो दिसतात कबरी म्रुत (MRUT) जनानी घेरले
या तुम्हाला दावतो मी शील ते थडग्यातले
अश्लिलाने जिंदगीभर खूप त्याला झोडले
एक थडगे स्त्री भ्रुणाचे रोज भरती त्यामधे
जीव जे मेले कुणाचे जाहले ना लाडले
रामशास्त्री आजचे बघ पहुडले कबरीत त्या
राज्यकर्त्यांनी तयांचे सत्य खोटे पाडले
धाडसी ती पत्रकारी छपली लफडी किती !
मान त्यांचा छान केला स्वर्गलोकी धाडले
सत्य झाले पोरके का? ना कळे सत्यास ही
सत्यवचने छापलेल्या कागदांना फाडले
तो रडे कबरीत सुद्धा दु:ख त्याचे वेगळे
पोटच्यांनी बंध सारे का तटातट तोडले
संपता सत्संग केले तोंड काळे तिजसवे
सावलीनेही तयाच्या भय मनीचे वाढले
मायही आता नकोशी जाहली आहे जगा
ती म्हणाली "हाय सुटले" प्राण जेव्हा सोडले
पुण्य घाली मान खाली पाप ते सिंहासनी
पुण्यवंतांचे जगाने भाव खाली पाडले
अंध हो "निशिकान्त" जगती काय बघण्या सारखे?
वस्त्र अपुल्या कंबरेचे माणसाने फेडले

निशिकांत देशपान्डे मो.नं. 98907 99023
E MAIL: nishides1944@yahoo.com
प्रतिसादाची प्रतिक्षा

गजला मधुनी

रवि, 22/08/2010 - 11:16 — निशिकान्त्

हसणे हसतो रडणे रडतो गजला मधुनी
ओघळणारे अश्रू पुसतो गजला मधुनी
सारे माझे मी सा-यांचा मान्य जरी मज
माझ्या पासुन मीच हरवतो गजला मधुनी
माझे गाणे वा रडगाणे माझे आहे
मूकपणाने मी गुणगुणतो गजला मधुनी
दार जरी मज बंद जगाचे, देवा घरच्या
उंबरठ्यावर मी घुटमळतो गजला मधुनी
मान्य मला आंधार पसरला चार दिशांना
यत्न कवडसा होण्या करतो गजला मधुनी
ओंगळवाण्या श्रीमंतीची हाव कशाला?
गरिबीसंगे लिलया जुडतो गजला मधुनी
चंदन होउन जगती जे जे दुस-यासाठी
गंध तयांचा मी पसरवतो गजला मधुनी
काळोखी जे नेते करिती काळे धंदे
ढोल नगारे मीच बडवतो गजला मधुनी
गजला फुलल्या गजला हसल्या "निशिकान्ताच्या"
स्वर्ग सुखाने मी गुदमरतो गजला मधुनी

निशिकान्त देशपांडे मो.नं. 98907 99023
E Mail nishides1944@yahoo.com

भाग्य माझे केवढे!

जाहला स्म्र(smru)तीभ्रंश मजला भाग्य माझे केवढे!
आठवांचे पाश आता घालती ना साकडे
काय होतो काल मी अन कोण माझे सोयरे?
सर्व ते तिमिरात लपले मज कुणी ना सापडे
माय मजला ही असावी आठवेना ती कशी?
तिजविना मज छत्र कोठे? काळजा जाती तडे
राम मी विसरून गेलो क्रु (kru)ष्णही पुसला असे
एकही आदर्श नसता कोणते गिरवू धडे?
रोग जडला राज्यकर्ते विसरती अश्वासने
मेळ कुठला? बोलण्याशी वागण्याचे वाकडे
राज्य चालावे कसे हे? दुष्ट ते सिंहासनी
पाप नववस्त्रात सजले पुण्य झाले नागडे
स्नान ते गंगेत करती पाप मुक्ती साधण्या
बाटली गंगाच त्यानी पाप त्यांचे एवढे
चोरही दिंडीत दिसती चालता पंढरपुरी
संग होता असंगाशी माळ तुळशीची रडे
शील सत् इतिहास झाले विसरलो आम्ही कसे?
होत ते हर्रास, आम्हा फक्त देसती रोकडे
चालतो मी सरळ मार्गी लोक का हसती मला?
मुल्य नसणा-या जगाला चाल तिरकी आवडे
सूर्य का अंधार मागे? झाकण्याला चेहरा
मातला अंधार इतका तेज झाले तोकडे
कर्ण मरता प्रेतयात्री मोजके होते तरी
कुंडलाना मिळवण्याला राख जो तो सावडे
थोर तू "निशिकांत" तुजला नाव आठवते तुझे
नाव मागे ठेवण्याला वाजवी जग चौघडे

निशिकांत देशपांडे मो.न. 98907 99023
E Mail: nishides1944@yahoo.com
प्रतिसादाची प्रतिक्षा
http://www.marathigazal.com/node/add/gazal

• 
  
• 
  

रंग चल देऊत का?

प्राक्तनी नसली जरी ती पोर्णिमा रेखूत का?
आवसेला पांढरासा रंग चल देऊत का /
का उगा कष्टी असावे? साथ दु:खाची सदा
वाहू दे डोळ्यास, ओठी हास्य चल फुलवूत का?
गोठले आयुष्य सारे थंड निपचित देह हा
उष्ण झरत्या आसवांचा शेक चल घेऊत का?
भोवती सारेच दिसती कोळसे काळे किती?
त्या मधे चमचम चमकत्या हिरकण्या शोधूत का?
आरसा भेसूर वास्तव का जगाला दावतो?
झूठ पण मंगल जरासे दावण्या शिकऊत का?
ही कशी श्रीमंत वस्ती? राहती बहिरे मुके
चौकटीना किलबिलीची तोरणे बांधूत का?
भात पिठले भाकरीचा स्वाद झाला पारखा
उच्चभ्रू झालोत आपण चल पिझा खाऊत का?
धर्मभास्कर सांगती हो पारदर्शी मानवा
बिन्ग फुटता एक त्यांचे उखडले ताबूत का?
भूक करवी आत्महत्त्या राज्यकर्त्यांचा गुन्हा
रक्तरंजित हात त्यांचे राहिले शाबूत का?
आयचा घो या जगाच्या वार दिधले मज किती?
चल जगूनी गारद्यांचे मनसुबे उधळूत का?
सोड तू "निशिकांत" चिंता काय म्हणते जग तुला
बेरका हो या जगाला वाकुल्या दाऊत का?

निशिकांत देशपांडे मो.न. 98907 99023
E Mail nishides1944@yqhoo.com
प्रतीसादाची प्रतिक्षा
http://nsd-marathigazals.blogspot.com/

शब्द तू जुळवून दे

तान माझी हरवलेली तू जरा शोधून दे
गीत मी आता विसरलो शब्द तू जुळवून दे
लय हरवली तार तुटली मूक वीणा जाहली
छेडण्या झंकार ह्रदयी तार तू जोडून दे
जळमटे ही आठवांची अडकलो मी का असा?
छानशी स्वप्ने उद्याची तू मला दावून दे
पाहिले मजला न कोणी मी तळागाळातला
काढण्या चिखलातुनी मज हात तू वाकून दे
सावल्यांचा खेळ खेळू मी न शकलो जीवनी
ऊन का राशीत माझ्या? कुंडली बदलून दे
ताट माझे का रिकामे? भूक पोटी पेटली
दु:खही चालेल मजला तू जरा वाढून दे
देवही विटला असावा पाहतो ना मजकडे
तूच आळव त्यास आता दु:ख मम सांगून दे
मी असा हा बहकलेला लत नशेची ना सुटे
सावरावे तूच मजला आसरा बाहूत दे
पिंड शिवण्या कावळाही येत का नाही इथे?
पाचवीला दु:ख माझ्या जा मला सोडून दे
गर्द अंधारात जगलो पाहिले ना कवडसे
एकदा कबरीवरी मम दीप तू लावून दे
लेखणी "निशिकांत" का रे दु:ख इतके ओतते?
चांगल्या हसर-या जगाशी ओळखी करवून दे

निशिकांत देशपांडे मो.न. 98907 99023
E Mail: nishides1944@yahoo.com
प्रतिसादाची प्रतिक्षा

शिंपडावे तू कधी

पेटलेल्या भावनाना शातवावे तू कधी
पोर्णिमेच्या चांदण्याला शिंपडावे तू कधी
काय म्हणती लोक याची वाटते भिती तुला
होउनी निर्भिड स्वप्नी वावरावे तू कधी
टोचता पायात काटा नेत्र अश्रू गाळती
जाणुनी मम एकलेपण हळहळावे तू कधी
डोंगरावर ऊंच तू अन पायथ्याला मी उभा
श्रावणाच्या निर्झरासम खळखळावे तू कधी
खूप वर्षे जाहली मी चन्द्र नाही पाहिला
चेह-यावरच्या बटाना आवरावे तू कधी
बेरक्या माझ्या जिवाला ओढ क्षितिजाची असे
आपुल्या जाळ्यात मजला गुंतवावे तू कधी
आत माझ्या पाहता मज दिसतसे अंधार का?
अंतरी नंदादिपाला पाजळावे तू कधी
लागते मजला समाधी गोड गाणे ऍकता
कोकिळा गावी म्हणूनी मोहरावे तू कधी
करपले आयुष्य सारे पान हिरवे ना कुठे
हस्त नक्षत्रा प्रमाणे कोसळावे तू कधी
का असा "निशिकान्त" असतो झिंगलेला तुजमुळे?
तोल त्याचा जात असता सावरावे तू कधी

निशिकान्त देशपान्डे मो. न 98907 99023
E Mail nishides1944@yahoo.com
प्रतिसादाची प्रतिक्षा

बस एक श्वास आहे

हे, ते जगात माझे सारा अभास आहे
सा-या जगात माझा बस एक श्वास आहे
आहे तरी कुणाचा? माझे मला कळेना
अपुल्यात आज दिसतो रेशीम फास आहे
मी गारवा सुखाचा जगलो पसा भरूनी
बाकी गरम उन्हाळा साथीस प्यास आहे
भगवे बघून कपडे करता सलाम कळले
कपड्यात वासनांची सजली अरास आहे
मोठा म्हणून पूजा केली कधी जयाची
जवळून आज कळले तो एक भास आहे
नेते म्हणून ज्यांची टिमकी जगात वाजे
जपण्यास स्वार्थ अपुला त्यांचा प्रयास आहे
नाती जगी बघाया आम्ही कुठे निघालो?
रस्त्यात आज माझी कुजतेय लाश आहे
ऍशा जगी कशाला अपुले कुणी असावे?
प्राण्यात मुल्य असते माझा कयास आहे
"निशिकान्त"घेतला तू अपुला म्हणून ज्याला
कांही क्षणात बनला निश्वास श्वास आहे

निशिकान्त देशपान्डे मो. न. 98907 99023
E mail nishides1944@yahoo.com
प्रतिसादाची प्रतिक्षा

गजला घरात माझ्या

आल्या सरी प्रमाणे गजला घरात माझ्या
पडला उजेड नसता समैईत वात माझ्या
आत्म्यास छेडणा-या तारा आहेत गजला
त्यानी मला शिकविले बघण्यास आत माझ्या
उद्रेक भावनान्चा होताच त्या क्षणाला
कम्पन बनून गजला आकारतात माझ्या
संवाद काळजाशी करतात शेर जेव्हा
गजलेस कोणतीही नसतेय जात माक्ष्या
मुजरा सलाम घेणे मजला पसंत नाही
गजलेस भावनांचा द्या कुर्निसात माझ्या
गजलेमुळे मिळाल्या कित्त्येक प्रेमिका मज
शब्दा मधून देती हतात हात माझ्या
निष्प्राण जीव होता होते अचेत जगणे
गजले सवेच आल्या उर्मी उरात माझ्या
का काफिया अलामत लागून ध्यास आहे?
दुसरी घरात आता होते न बात माझ्या
आले उधाण मजला जेव्हा कुणी म्हणाले
"तो करवाच गजला जातोय गात माझ्या"
गजला किती लिहाव्या ठरवेल कोण सांगा?
निश्वास श्वास गजला या जीवनात माझ्या
"निशिकान्त" सांग आता इछा अखेरची तू
अंत:क्षणी फुलू दे गजला मनात माझ्या
निशिकान्त देशपान्डे मो.न. 98907 99023
E mail nishides1944@yahoo.com
प्रतिसादाची प्रतिक्षा

चेहरे मी पाहिले

बेगडी अन चमकणारे चेहरे मी पहिले
चेह-याना झाकणारे चेहरे मी पहिले
कळवळा गाळातल्यान्चा राज्यकर्ते दावती
आरशाला फसवणारे चेहरे मी पाहिले
भाग्य मन्त्र्यान्चे तयाना पक्ष श्रेष्ठी पावली
जी हुजूरी वाकणारे चेहरे मी पाहिले
मी करू चिन्ता कशाला मुल्य जपण्याची फुका?
लाख टोप्या बदलणारे चेहरे मी पाहिले
शुभ्र खादी, देश भक्ती, त्याग झाले पोरके
तत्त्व पायी तुडवणारे चेहरे मी पाहिले
भूक पोटी, रन्ग ओठी खुणवती वारान्गणा
देह विक्रय करवणारे चेहरे मी पहिले
दाबल्याने दुर्बलान्चा थांबतो अक्रोश का?
आग डोळे ओकणारे चेहरे मी पहिले
बाळ गेला दूर देशी एकटे माता पिता
सुरकुत्यानी खन्गलेले चेहरे मी पाहिले
तुज हवा "निशिकान्त" पन्खा चार गजला खरडण्या
घाम अश्रू गाळणारे चेहरे मी पहिले
निशिकान्त देशपान्डे मो. न. 98907 99023
e mail nishides1944@yahoo.com
प्रतिसादाची अपेक्षा

हीच का ती माणसे?

गुरु, 22/07/2010 - 12:49 — निशिकान्त्

राम भजनी रन्गणारी हीच का ती माणसे?
एकतारी छेडणारी हीच का ती मणसे?
साद देण्या द्रौपदीला आजना उरला कुणी
क्रष्ण महिमा वाचणारी हीच का ती माणसे?
जाळती नवरीस नवख्या स्त्री-भ्रुणाला मारती
स्त्रीस देवी मानणारी हीच का ती माणसे?
जो मिळे न्यायालयातुन तोच असतो न्याय का?
न्याय हरता पेटणारी हीच का ती माणसे?
श्वापदे दिसती न कोठे वाहती जखमा कशा
माणसाना चावणारी हीच का ती माणसे?
पाच सालाबाद येती मागण्या माझ्या मता
भीक ग्रहणी मागणारी हीच का ती माणसे?
मातले धर्मान्ध आता यादवी चोहीकडे
धर्म ग्रन्था समजणारी हीच का ती माणसे?
दोन धर्मातील दन्गे बाब नित्त्याची असे
व्हा सहिष्णू सान्गणारी हीच का ती माणसे?
ऐक तू "निशिकान्त" गोदा प्रश्न करते आज ही
नाथ जाता थुन्कणारी हीच का ती माणसे?

निशिकान्त देशपान्डे मो.न. 9890799023
e mail nishides1944@yahoo.com
प्रतिसादाचि प्रतिक्षा

• 
  
• 
  

रचल्या तुझ्याच साठी

गुरु, 22/07/2010 - 12:02 — निशिकान्त्

ह्रदयी अनेक लाटा उठल्या तुझ्याच साठी
गजला अनेक सखये रचल्या तुझ्याच साठी
चाहूल लागता तव दरी वसन्त फुलतो
केसातल्या कळ्याही फुलल्या तुझ्याच साठी
आनन्द दावण्याची अपुलीच रीत असते
वेली लता खुशीने झुलल्या तिझ्याच साठी
स्वप्नात कैद तुजला करण्यास रामप्रहरी
ग्लानीत पापण्याही मिटल्या तुझ्याच सार्‍ही
बघताच दु:ख माझे होतील क्लेश तुजला
जाणून वेदना मम हसल्या तुझ्याच साठी
दिसताच तू कुणाची लागेल द्ष्ट म्हणुनी
पणत्या घरातल्या बघ विझल्या तुझ्याच साठी
केला जगी दिखावा मी धैर्यवान आहे
तिमिरात पापण्या ह्या भिजल्या तुझ्याच साठी
श्रध्दा नसून आता मी मन्दिरात जातो
देवास आणा भाका दिधल्या तुझ्याच साठी
आधी कधीच नव्हतो मी चोर या जगीचा
पण काल चान्दण्या मी लुटल्या तुझ्याच साठी
"निशिकान्त" भेटण्या तुज तीही अधीर दिसते
ओठात हास्य रेषा फुलल्या तुझ्याच सातठी

निशिकान्त देशपान्डे मो.न. 98907 99023
e mail nishides1944@yahoo
प्रतिसादाची प्रतिक्षा

• नवा प्रतिसाद द्या

घास नाही भरवले

एकटा गर्दीत जगलो ना कुणी मज गवसले
चोन्च उघडी पण कुणीही घास नाही भरवले
श्रावणाच्या पवसाने उजळली हिरवळ किती
आसवानी गत उन्हाळी एकलेपण सजवले
पाय मम रक्ताळलेले हे जणू झाले कमी
आठवानी गत क्षणाच्या कन्टकी मज फिरवले
शोध घेण्या जीवनाचा मी निघालो तुज सवे
तुज विना पासून माझ्या मीच मजला हरवले
सावकारी मी न केली कर्ज ना दिधले तरी
भेटता नजरेस नजरा तोन्ड का तू फिरवले?
गोफ मी गुम्फीत असता घातल्या गाठी किती?
कैद त्या गाठीत केव्हा जाहलो ना उमगले
मी दिली ताकीद मजला चेहरा हसरा हवा
वाळवन्टी मम मनाच्या आसवाना जिरवले
आप्त धोकेबाज झाले काय नवखे त्य मधे?
स्वप्न जे माझेच होते आज त्याने फसवले
मी आता बेबन्द झालो पाश सारे तोडले
वाकुल्या दावून विश्वा मीच होते खिजवले
माळ तुळशीची गळा मी घातली होती कधी
अन तरीही वाममार्गी पाय माझे बहकले
का तुझ्या" निशिकान्त" गजला जाहल्या दु:खी अशा?
दु:ख ह्रदयी लपविण्याचे तूच होते ठरवले

निशिकान्त देशपान्डे
प्रतिसादाची प्रतिक्षा 98907 99023
e mail nishides1944@yahoo.com
http://nsd-marathigazals.blogspot.com/

चिडता का हो?

वेडे मी जगतास म्हणालो चिडता का हो?
कुचकामी इतिहास म्हणालो चिडता का हो?
श्रीमन्तीच्या ओन्गळवाण्या प्रदर्शनाला
गरिबीचा उपहास म्हणालो चिडता का हो
खटपट केली मन्त्री झाले ते दरबारी
श्रेष्ठी घरचे दास म्हणालो चुकले का हो?
उन्ची कपडे ओळख झाली या नेत्यान्ची
खादीचा हा -हास म्हणालो चुकले का हो?
लम्बे चौडे भाषण त्यान्चे ऐकू कैसे?
मिनिटाला मी तास म्हणालो चुकले का हो?
काळे धन्दे काळी करनी रुतबा त्याना
काळा मी सुर्यास म्हणालो चिडता का हो?
लफडी उघडी करण्या लिहिती त्या शूराना
वन्दन करुनी व्यास म्हणालो चिडता का हो?
निर्मोही बाबान्च्या पदरी पैसा अडका
ढोन्ग्याना बकवास म्हणालो चिडता का हो?
गोन्गाटाने नवगीताच्या डोके उठले
सप्तसुराना श्वास म्हणालो चिडता का हो?
भडकाउ प्रक्षेपण बघता टी व्ही वरती
"सह्याद्री"ला पास म्हणालो चिडता का हो?
हसणे "निशिकान्तास" मिळले जगता जगता
ग्रिष्नमाला मधुमास म्हणालो चिडता क हो?

निशिकान्त देशपान्डे
प्रतिसादाची प्रतिक्षा मोब न 98907 99023
e mail nishides1944@yahoo.com

मीच आहे घडविले

मी जसा आहे तयाला मीच आहे घडविले
राहिलो तोर्-यात जगलो ना कुनाला विनविले
आरसा हा दवितो मज चेहरा आहे तसा
मुखवट्याने चेहर्-याला मी कधी ना सजविले
वाल्मिकी होणे न जमले खन्त याचि मज नसे
पाप वाल्या कोळियाचे मी न केले करविले
मान्डला नाही कधी बाजार दु:खाचा कुठे
पेट्लेल्या वेदनाना आसवाने शमविले
सोबती आन्धार आहे मी उजेडा पारखा
गप्प जगलो मी कुणाचे दीप नाही विझविले
सण दिवाळीचा कशाला साजरा करता तुम्ही?
लाउनी पणत्या हजारो का गरिबा हिणविले?
लक्तरे पाहून माझी ना कुणी हेलावले
माझिया गजला सुरानी सर्व लोका रडविले
कोण म्हणतो भार होतो या धरेला आमुचा?
भार ज्यान्चा होतसे त्यानीच का हे ठरविले?
घेतले काहीच नाही या जगी पण मी तरी
श्वापदान्चे पोट भरण्या प्रेत माझे पुरविले
का अशी डोळे मिटूनी न्याय करते देवता?
पोन्चलेले हात ज्यान्चे परारड्याला झुकविले
काळजी "निशिकान्त" आहे जग निघाले हे कुठे?
पान्डवाना कोठदी अन कौरवाना मिरविले

प्रतिसादाची प्रतिक्षा मो न 98907 99023
e mail nishides1944@yahoo.com

वाहणारे घाव होते

पेटल्या वस्तीत उरले फक्त माझे नाव होते
जे जळाले, आपणाला समजणारे राव होते
माणसाच्या सभ्यतेचे प्रेत दिसता दु;ख रन्का
मात्र लोणी मस्तकीचे चाखणारे राव होते
लावली दुर्बीण बघण्या चान्गला माणूस जगती
हटवता बुरखे न दिसले मज कुणीही साव होते
पारध्याला घाबरोनी मी कुण्या वस्तीत लपलो
आसरा जो वतला ते गरद्यान्चे गाव होते
सिन्ह राजा जन्गलाचा वाचले गोश्टीत सारे
धूर्त कोल्ह्यान्चाच तेथे बोलबाला नाव होते
मन्डैईला मीच माझी लावण्या बोली निघालो
पेठ कसली माणसान्चे पाडलेले भाव होते
का उगा श्रीमन्त झालो? याद मज चाळीतल्यान्ची
लाभला आधार जेव्हा आसवान्चे स्त्राव होते
राजकारण चाखण्याला मारला मी सूर जेव्हा
खोकल्या आश्वासनान्चे पाहिले घुमजाव होते
चावडीवर न्याय करण्या बैसल्या पन्चायतीन्चे
न्याय कसला? प्रेमिकाना मारण्याचे डाव होते
ऐकले सत्स्न्ग लाखो अर्थ देण्या जीवनाला
मन:शान्ती साधण्याचे फक्त तेथे आव होते
हासरा "निशिकान्त" चेहरा वेगळे सान्गून गेला
आड हास्याच्या तुझ्याही वाहणारे भाव होते

निशिकान्त देशपान्डे

प्रतिसादाची प्रतिक्षा मो.न. 98907 99023
E mail nishides1944@yahoo.com

माझा स्वभाव आहे

स्वछन्द मस्त जगणे माझा स्वभाव आहे
दु:खात शान्त निजणे माझा स्वभाव आहे
गरिबीत पाहिल्या मी हसर्या अनेक जखमा
त्या कोन्दणी सजवणे माझा स्वभाव आहे
हे पाहिजे मला अन ते पाहिजे कशाला?
खुशहाल मस्त जगणे माझा स्वभाव आहे
वस्तीत आज माझ्या रडणे निशिध्द आहे
हसणे कधी हसवणे माझा स्वभाव आहे
मजला नकोत कुबड्या अथवा शिड्या कुणाच्य
लागून ठेच चढणे माझा स्वभाव आहे
बाजार आज भरले ईमान शील विकाण्या
सौदे कधी न करणे माझा स्वभाव आहे
वाटेत लाख काटे मज काळजी कशाला?
येता प्रसन्ग उडणे माझा स्वभाव आहे
उध्दार मम कराया देवास हाक कैसी
करणे प्रयत्न झटणे माझा स्वभाव आहे
पाठीत वार केले मजला न राग त्यान्चा
वाईट ते विसरणे माझा स्वभाव आहे
तन्द्रीत मीच माझ्या असतो तुझ्या मुळे मी
तुझिया smruतीत रमणे माझा स्वभाव आहे
उपदेश मी न केला सान्गीतली न गीता
हातात शस्त्र धरणे माझा स्वभाव आहे
माझ्या कलेवराला मम अन्गणी पुरावे
खान्द्यास भार नसणे माझा स्वभाव आहे
"निशिकान्त" तू कशाला केलीस आत्महत्त्या
पिकण्या अधीच गळणे माझा स्वभाव आहे

निशिकन्त देशपान्डे मो.न.9890799023

प्रतिक्रियेचे स्वागत आहे. ईमेल nishides1944@yahoo.com

कधी कधी मी

शुन्यत विश्व माझे बघतो कधी कधी मी
विश्वास तोलताना चुकतो कधी कधी मी
बघता वळून माघे कोणी कसे दिसेना?
गतकालाच्या प्रवाही फिरतो कधी कधी मी
अन्धास स्पष्ट दिसती स्वप्ने हवी हवीशी
स्वप्नात भेटण्या तुज निजतो कधी कधी मी
बागेत आज आहे आरास पकळ्याची
पतझड बघून दारी थिजतो कधी कधी मी
हे वस्त्र जीवनाचे झाले जरी पुराने
नवरन्ग कुन्चल्याने भरतो कधी कधी मी
वैफल्यग्रस्त आहे हा खेळ जीवनाचा
पीण्यास म्रगजळाला निघतो कधी कधी मी
अन्धार पाचवीला आहे पुजून माझ्या
दिसता कुठे कवडसे बुजतो कधी कधी मी
चोहीकडे पसरला दुष्काळ भावनाचा
ओले बघून डोळे रुजतो कधी कधी मी
लख लख प्रकाश जगती सम्बद्ध काय माझा
अन्धार शोधण्याला विझतो कधी कधी मी
प्रेतास हक्क आहे कपडे नवे, फुलान्चा
म्हणुनीच कोण जाणे सजतो कधी कधी मी
केव्हा कशा कळेना आल्या उदास लाटा
गजलेस गात माझ्या हसतो कधी कधी मी
"निशिकान्त" आस तुजला उमलेल फूल याघी
काट्यासवे म्हणूनी जुडतो कधी कधी मी

निशिकान्त देशपान्डे मो न. 98907 99023

प्रतिसादाची अपेक्षा

औषध मदिरा

ओघळणारे अश्रू पुसण्या औषध मदिरा
हरलेल्याना दु:ख विसरण्या औषध मदिरा
तारेवरची कसरत आहे जीवन जगणे
थरथरणारे पाय घसरण्या औषध मदिरा
दुसरे विजयी झाले याची तगमग मजला
ठसठसणारे शल्य विसरण्या औषध मदिरा
सन्मार्गाला सोडुन जाती मोहामागे
चिखला मध्ये पुरते फसण्या औषध मदिरा
मजला सल्ले लाख मिळाले गोन्धळलो मी
काय करावे पुढती कळण्या औषध मदिरा
साध्य न झाले धेय्य मला मी तुटलो, थकलो
म्र[mru]गजळ पुढती मागे पळण्या औषध मदिरा
तरुणाईच्या आठवणीने बेचैनी का?
खिन्न मनाला आज रिझवण्या औषध मदिरा
ह्र्दयावरती नाव कशाला लिहिले न कळे
भळभळणारया जखमा सुकण्या औषध मदिरा
गळणार्-या अश्रूचे आता एकच कण्हणे
पाश्चातापी धगधग जळण्या औषध मदिरा
सुटका माझी लवकर व्हावी देवा आता
म्रु[mru]त्त्युसन्गे हात मिळवण्या औषध मदिरा
शुन्य कमवले "निशिकान्ताने" जगता जगता
नादारीचे खाते लिहिण्या औषध मदिरा

निशिकान्त देशपान्डे
प्रतिसदाची प्रतिक्षा मो न 98907 99023

हेमन्त करकरे

दाटून कन्ठ काही वदणार आज आहे
कलिजा हिमालयाचा थिजणार आज आहे
होते जिवन्त जेव्हा जखमा दिल्या जयानी
त्यान्चेच तोन्ड काळे होणार आज आहे
शहिदास काय देता श्रध्दान्जली फुकाची?
भोन्दूगिरी तुम्हाल हसणार आज आहे
धरली कधीच नव्हती आशा कुण्या फळाची
त्याच्या समोर ईश्वर दिपणार आज आहे
अन्धार जीव घेणा करतोय राज्य जगती
तो एकला कवडसा पुरणार आज आहे
नवसूर्य पाहिला मी काळ्या कभिन्न रात्री
सूर्यास अर्घ्य देण्या बसणार आज आहे
अधुनिक वाल्मिकीला पाहून काण्ड सारे
लिहिण्यास राम नवखा मिळणार आज आहे
बलिदान व्यर्थ नाही ना कार्य व्यर्थ त्याचे
हिजडा जिहादवादी हरणार आज आहे
दु:खी कुटुम्ब त्यचे अश्रू कसे पुसावे?
नियतीच हात त्यान्चा धरणार आज आहे
निशिकान्त याद येता हेमन्त करकरेची
हा बान्ध आसवान्चा फुटणार आज आहे

निशिकान्त देशपान्डे

26.11 ला मुम्बैई वरील दहशतवादी हल्ला टीव्ही वर बघताना डोळ्यातून अश्रू आणि कलमेतून शब्द झिरपले
प्रतिसादाची अपेक्शा मो.न. 9890799023

रुतबा तुझ्या रुपाला

रुतबा तुझ्या रुपाला दिसतो खुलून आहे
गझला कुणी तुझ्यावर बसला लिहून आहे
सौन्दर्य आज खुलले खिळल्या अनेक नजरा
आदब सलाम तुजला करतो लवून आहे
रेखून चित्र झाले भरण्यास रन्ग आता
केशर गुलाब दोन्ही घेतो खलून आहे
बागेत भेट पहिली चाफ्यास याद आहे
दरसाल याच दिवशी फुलतो अजून आहे
मेघास काय ठावे मनभाव चातकाचे
मस्तीत आपुल्या तो करतो जुलूम आहे
माझी बिशाद कुठली देण्यास भेट तुजला
तुकड्यास काळजाच्या देतो छिलून आहे
विषयात रन्गण्याचे सन्पून विषय गेले
सुकल्या फुलास आता पडणे गळून आहे
निशिकान्त तव इरादे आकाश पेलण्याचे
सोडून दे जर कुणी तुजवर जळून आहे

निशिकान्त देशपान्डे
प्रतिक्रियेचे स्वागत फोन नम्बर 98907 99023